Home
બિઝનેસ
૧૦ વર્ષમાં કરદાતાની સંખ્‍યા થઈ બમણી : ૧૮૨ ટકા વધ્‍યું ડાયરેક્‍ટ ટેક્‍સ કલેકશન

૧૦ વર્ષમાં કરદાતાની સંખ્‍યા થઈ બમણી : ૧૮૨ ટકા વધ્‍યું ડાયરેક્‍ટ ટેક્‍સ કલેકશન

10:37 AM October 18, 2024 Admin

નાણાકીય વર્ષ ૨૦૧૩-૧૪ માટે કુલ ૩,૭૯,૭૪,૯૬૬ આવકવેરા રિટર્ન ફાઈલ કરવામાં આવ્‍યા હતા, જેની સંખ્‍યા ૨૦૨૩-૨૪માં વધીને ૮,૬૧,૩૨,૭૭૯ થઈ ગઈ છે : ૧૦ વર્ષમાં ITR ફાઈલ કરનારામાં ૧૩૨%નો વધારોઃ મોદી સરકાર નાણાકીય વર્ષ ૨૦૧૪-૧૫માં સત્તામાં આવી ત્‍યારે ડાયરેક્‍ટ ટેક્‍સ કલેક્‍શન રૂ. ૬,૯૫,૭૯૨ કરોડ (લગભગ રૂ. ૬.૯૬ લાખ કરોડ) હતું, જે વધીને રૂ. નાણાકીય વર્ષ ૨૦૨૩-૨૪માં તે વધીને રૂ. ૧૯,૬૦,૧૬૬ કરોડ (રૂ. ૧૯.૬૦ લાખ કરોડ) થયું છે

Taxpayer In India Increse : દેશમાં કરદાતાઓની સંખ્‍યામાં મોટો વધારો થયો છે. છેલ્લા ૧૦ વર્ષમાં ઈન્‍કમટેક્‍સ રિટર્ન ફાઈલ કરનારા લોકોની સંખ્‍યામાં બમણો વધારો જોવા મળ્‍યો છે. નાણાકીય વર્ષ ૨૦૧૩-૧૪ માટે કુલ ૩,૭૯,૭૪,૯૬૬ આવકવેરા રિટર્ન ફાઈલ કરવામાં આવ્‍યા હતા, જેની સંખ્‍યા ૨૦૨૩-૨૪માં વધીને ૮,૬૧,૩૨,૭૭૯ થઈ ગઈ છે. એટલે કે, મોદી સરકારના છેલ્લા ૧૦ વર્ષના કાર્યકાળ દરમિયાન આવકવેરા રિટર્ન ફાઇલ કરનારા લોકોની સંખ્‍યામાં ૪,૮૧,૫૭,૮૧૩ નો વધારો થયો છે. ૧૦ વર્ષમાં IT રિટર્ન ફાઇલ કરનારા લોકોની સંખ્‍યામાં ૧૨૭ ટકાનો વધારો થયો છે.

► ૨૦૨૩-૨૪માં 8.13 કરોડ લોકોએ રીટર્ન ફાઈલ કર્યુંં

સેન્‍ટ્રલ બોર્ડ ઓફ ડાયરેક્‍ટ ટેક્‍સિસએ નાણાકીય વર્ષ ૨૦૨૩-૨૪ માટે સમય-શ્રેણીના ડેટા જાહેર કર્યા છે. આ ડેટા અનુસાર, નાણાકીય વર્ષ ૨૦૧૩-૧૪માં ૩,૫૦,૪૩,૧૨૬ વ્‍યક્‍તિગત કરદાતાઓએ આવકવેરા રિટર્ન ફાઈલ કર્યું હતું, જેની સંખ્‍યા ૨૦૨૩-૨૪માં વધીને ૮,૧૩,૯૦,૭૩૬ થઈ ગઈ છે. છેલ્લા ૧૦ વર્ષમાં IT રિટર્ન ફાઈલ કરનાર વ્‍યક્‍તિ કેટેગરીના કરદાતાઓની સંખ્‍યામાં ૪,૬૩,૪૭,૬૧૦ નો વધારો થયો છે. એટલે કે છેલ્લા ૧૦ વર્ષમાં આવકવેરા રિટર્ન ભરનારા લોકોની સંખ્‍યામાં ૧૩૨ ટકાનો વધારો થયો છે.

► કરદાતાઓની સંખ્યા ૨૦૨૩-૨૪માં ૧૦.૪૧ કરોડ થઈ

આવકવેરા વિભાગના જણાવ્‍યા અનુસાર, આકારણી વર્ષ ૨૦૧૩-૧૪માં PAN કાર્ડ ધરાવતા તમામ કરદાતાઓની સંખ્‍યા ૫,૨૬,૪૪,૪૯૬ હતી, જે ૨૦૨૩-૨૪માં વધીને ૧૦,૪૧,૧૩,૮૪૭ થઈ ગઈ છે. આમાં, આકારણી વર્ષ ૨૦૧૩-૧૪માં વ્‍યક્‍તિગત કરદાતાઓની કુલ સંખ્‍યા ૪,૯૫,૭૬,૫૫૫ હતી, જે વર્ષ ૨૦૨૩-૨૪માં વધીને ૯,૯૧,૭૫,૬૫૬ થઈ ગઈ છે. તેનો અર્થ એ છે કે ૧૦ વર્ષ દરમિયાન વ્‍યક્‍તિગત કરદાતાઓની સંખ્‍યામાં ૧૦૦ ટકા એટલે કે બમણો વધારો થયો છે.

► 2023-24માં ડાયરેક્ટ ટેક્સ ક્લેક્શન રૂ. ૧૯.૬૦ લાખ કરોડ થયું

સીબીડીટીના ડેટા અનુસાર, જયારે મોદી સરકાર નાણાકીય વર્ષ ૨૦૧૪-૧૫માં સત્તામાં આવી ત્‍યારે ડાયરેક્‍ટ ટેક્‍સ કલેક્‍શન રૂ. ૬,૯૫,૭૯૨ કરોડ (લગભગ રૂ. ૬.૯૬ લાખ કરોડ) હતું, જે વધીને રૂ. નાણાકીય વર્ષ ૨૦૨૩-૨૪માં તે વધીને રૂ. ૧૯,૬૦,૧૬૬ કરોડ (રૂ. ૧૯.૬૦ લાખ કરોડ) થયું છે. એટલે કે, મોદી સરકારના ૧૦ વર્ષના કાર્યકાળ દરમિયાન, પ્રત્‍યક્ષ કર કલેક્‍શન જેમાં આવકવેરા, કોર્પોરેટ ટેક્‍સ અને સિક્‍યોરિટીઝ ટ્રાન્‍ઝેક્‍શન ટેક્‍સનો સમાવેશ થાય છે તે ૧૨,૬૪,૩૭૪ કરોડ રૂપિયા (લગભગ ૧૨.૬૪ લાખ કરોડ રૂપિયા) એટલે કે ૧૮૨ ટકાનો ઉછાળો આવ્‍યો છે. નાણાકીય વર્ષ ૨૦૦૪-૨૫માં ડાયરેક્‍ટ ટેક્‍સ કલેક્‍શન ૧.૩૨ લાખ કરોડ રૂપિયા હતું. સીબીડીટીએ તેના ટાઈમ સીરીઝ ડેટામાં જણાવ્‍યું હતું કે નાણાકીય વર્ષ ૨૦૧૩-૧૪માં કુલ કર આવકમાં પ્રત્‍યક્ષ કરનો હિસ્‍સો ૫૬.૩૨ ટકા હતો, જે ૨૦૨૩-૨૪માં ૫૬.૭૨ ટકા થશે. નાણાકીય વર્ષ ૨૦૦૩-૦૪માં કુલ કર આવકમાં ડાયરેક્‍ટ ટેક્‍સનો હિસ્‍સો ૪૧.૪૨ ટકા હતો.